Өчигдөр Казахстан улсын жүдо бөхийн аварга шалгаруулах тэмцээн болсон. Тэгвэл энэ удаагийн Казахстаны аварга шалгаруулах тэмцээний 48 кг-ын жинд тус улсын нэрийн өмнөөс барилдах болсон Монголын жүдоч Г.Отгонцэцэг аваргаллаа. Өөрийн жиндээ хоёр дахь жилдээ дараалан түрүүлэн Казахстаны хошой аварга болж байгаа нь энэ юм.
Тэгвэл өчигдөр түүнд Казахстан улсын Спортын гавьяат тамирчин цол олголоо. Шагналыг тус улсын жүдо бөхийн холбооны дэд ерөнхийлөгч Мурат гардуулсан байна. Г.Отгонцэцэг жүдо бөхийн төрөлд Казахстаны Гавьяат тамирчин цол хүртэж байгаа гурав дахь жүдоч ажээ.
_700.jpg)
Г.Отгонцэцэг ирэх сарын 2-нд эхлэх Токиогийн “Их дуулга” ангиллын тэмцээнд оролцохоор бэлтгэлээ хангаад байна.
А.ГАНТУЯА
