Монгол Улс анхдугаар Үндсэн хуулиа баталж, Бүгд Найрамдах улсаа зарлан тунхагласны 92 жилийн ойд зориулсан хүчит бөхийн барилдаан болж өнгөрлөө. Барилдаанд Архангай аймгийн Хашаат сумын харъяат улсын аварга Ч.Санжаадамба түрүүлж, Увс аймгийн Давст сумын харъяат улсын арслан П.Бүрэнтөгс үзүүрлэлээ.
Ч.Санжаадамба аваргын хувьд дөрөв дэх удаагаа түрүүлж байгаа нь энэ юм. Харин шөвгийн дөрөвт улсын арслан Н.Батсуурь, улсын харцага Н.Түвшинбаяр нар шалгарсан байна.
Б.БАТБААТАР
