Эрэгтэйчүүдийн чөлөөт бөхийн клубуудийн дэлхийн аварга шалгаруулах тэмцээн Украйн улсын Харьков хотод эхэллээ.
Энэ удаагийн тэмцээнд Монгол улсаа төлөөлж “Арслан”, “Харгант Цамхаг” клубийн тамирчид оролцож байгаа юм. Клубуудийн ДАШТ-ий сугалааны үйл ажиллагаа өнөөдөр болж “А” хэсэгт Украин, АНУ, Гүрж, “В” хэсэгт Украин, Монгол, Беларусь, “С” хэсэгт Ираны, Унгар, Киргиз, “Д” хэсэгт Иран, Армян, Туркийн багууд таарсан байна. Тэмцээн найман жингийн ангиллаар явагдах бөгөөд түрүүлсэн баг 25 мянган ам долларын шагналын сантай юм. Өнгөрсөн жил тус тэмцээнд Ц.Баярсайхан дасгалжуулагчтай “Хасу Мегастарс” клубийн тамирчид оролцож наймдугаар байрт шалгарч байсан.
Монголын багийн бүрэлдэхүүнд
57 кг: З.Занабазар, “Арслан” клуб
61 кг: С.Билгүүн, “Арслан” клуб
65 кг: Х.Хишигбат, “Арслан” клуб
70 кг: Д.Хатанбаатар, “Арслан” клуб“
74 кг: Б.Анхбаяр, “Харгант-Цамхаг” клуб
86 кг: Т.Мөнгөншагай, “Харгант-Цамхаг” клуб
97 кг: Ө.Батзул, “Хангарьд” клуб
125 кг: Н.Золбоо, “Харгант-Цамхаг” клуб Дасгалжуулагч Б.Баттулга “Арслан” клуб Ж.Дандар ”Харгант Цамхаг” Шүүгч Олон улсын шүүгч Ц.Цэрэнхүү
О.ДАШНЯМ
