Монголын ширээний теннисний Холбооноос "Шинэ эргэлт" клубтэй хамтран зохион байгуулдаг "Хөгжлийн Лиг" тэмцээн 3 дахь жилдээ "Оч" клубт өчигдөр эхэллээ.
Тэмцээнд нийт 15 багийн эрэгтэй, эрэгтэй нийт 75 тамирчид оролцож байна гэж Шинэ эргэлт клубын тэргүүн, тус лигийг зохион байгуулагчийн нэг Цэрэнтогтох онцоллоо. Лигийн тэмцээн нь тойргийн журмаар тоглох юм байна. Хоёр тойрог тоглоно. Эхний тойрогтоо бүх тоглогчид нь тоглох бол, хоёрдахь тойрогтоо түрүүлж З хожил авсан нь ялалт байгуулах аж. Тоглолтын үндсэн систем нь ДЭЭД ЛИГ-ийн тоглолтой ижил төстэй байх юм байна. Дээд лигт мастерууд, залуу тамирчид оролцдог бол, Хөгжлийн Лигт рейтингээрээ тэргүүлэгч тамирчид ч оролцож болно гэж журамлажээ. Баг бүр өөрийн бооцоо тавина. Эхний гуравт шалгарсан баг нийт бооцоог амжилтандаа суурилан хуваан авах юм байна. "Б" зэрэглэлийн " Хөгжлийн Лиг" , "А" зэрэглэлийн "Дээд Лиг"-ийн ялгаа нь шагналын сан ажээ.
О.ДАШНЯМ