Английн аварга шалгаруулах тэмцээн бол далхийн аварга шалгаруулах тэмцээн л гэсэн үг. Яагаад гэвэл, дэлхийн аваргууд бүгд Англичууд. Бас Шотланд тоглогч бий. Тиймээс дэлхийн бүх шилдгүүд Английн дэлхийн аваргад хүчээ сорьдог. Энэ удаагийн аваргад англичуудаас гадна, Хятадын Динг Жи Хуй, Гонконгийн Марко Фу нарын томчууд ч тоосоо өргөсөн.
Шигшээ 16-д Динг Жи Хуй 6:2-оор хожигдож тоглолтыг орхисон бол, Марко Фу хагас шигшээд Сульвиванд ялагдсан. Аваргын төлөө тоглолтонд үлдсэн Сэлби, Сульвиван нар 19 өрөг тоглохоос 17 өрөг тавьж, 10-7-ийн харьцаагаар Сэлби ялалт байгууллаа. Тэр дэлхийн хошой, Английн хошой, Европын мастеруудын аваргад дараалан ялалт байгуулав.
"Миний хувьд маш энгийн цохилтуудыг алдсан. Хэрвээ тийм алдаа гаргаагүй бол... Гэхдээ Сэлбид баяр хүргэе. Тэр гайхалтай тоглосон. Тэгээд ч дэлхийд рейтингээрээ тэргүүлж буй түүнд хожигдохоос аргагүй байсан гэж Английн 5 удаагийн аварга, домогт тоглогч" Сульвиван хэллээ.
"Сульвивантай тоглоно гэдэг гайхамшиг. Өөр ертөнцөд очих мэт, явах биш, нисэж буй мэт сэтгэгдэл төрүүлдэг. Миний хувьд цохилт бүрээ 60%-ээс дээш гаргах л шаардлагатай. Тэгэж л байж л амжилтанд хүрнэ" гэж Хошой аварга Сэлби хэллээ. Тэр бол хэн ч дуулаагүй Лэйстэр хэмээх хотод төрсөн. Түүнийг өнгөрсөн жил дэлхийн аварга болоход, Лэйстэр хотын хөлбөмбөгийн баг нь Английн аварга болж, төрөлх хотынхоо нэрийг дэлхийд цуурайтуулсан түүхтэй.
Э.ЛХАГВАСҮРЭН