Сар бүр Хууль сахиулахын их сургуульд зохиогддог сумын цолтон болон залуу бөхчүүдийн арванхоёрдугаар сарын барилдаан Пүрэв гарагт боллоо.
Барилдаанд сумын заан Б.Улаалзгана, Б.Сэр-Од, А.Мягмаржав нараар манлайлуусан 150 бөх зодоглосноос Говьсүмбэр аймгийн Сүмбэр сумын заан Э.Мөнхбаатар 8 давж түрүүлсэн бол Архангай аймгийн Цэнхэр сумын заан Б.Батсайхан үзүүрлэлээ.
Барилдааны их шөвөгт Ховд аймгийн сумын заан Б.Даваадалай шалгарсан юм. Зүүнийг магнайлж барилдсан Б.Улаалзгана дөрвийн даваанд Э.Өлзийбаярт унасан юм. Тус барилдаан долоо дахь удаагаа зохиогдож байгаа бөгөөд Хөвсгөл аймгийн сумын заан А.Мягмаржав 2, Г.Бат-Эрдэнэ, Х.Бөхбаяр, Сүхбаатар аймгийн Онгон сумын заан Г.Мөнх-Эрдэнэ нар тус бүр 1 удаа түрүүлж байсан юм.
О.ДАШНЯМ
