Английн хөлбөмбөгийн примэр лигийн 20 дугаар тойргийн тоглолтууд энэ өдрүүдэд явагдлаа. Энэ тойрогт хүснэгтийн дэд байрт бичигдэж буй Ливэпүүл клуб Сандэрландын талбайд зочилж тоглож 2-2 оор “эвийн гэрээ” байгууллаа. Тоглолтын гоолуудыг улаануудаас довтлогч Стариж, Манэ нар оруулсан бол Жермен Дефо 2 гоол хийж багаа хожигдлоос аварсан байна. Ливэрпүүл клуб 44 оноотой хүснэгтийн дэд байрт жагсаж байгаа бол Сандэрланд 15 оноотой 18 дугаар байрт байгаа юм.
Энэ тойргийн хүрээнд болсон бусад тоглолтын мэдээллийг та бүхэнд хүргэж байна. Лестер 0-0 Миддлэсборо Эвэртон 3-0 Саутхэмптон Манчестер сити 2-0 Бөрнли Вэст бром 3-1 Халл Сити Вэстхэм 0-2 Манчестер Юнайтэд Примиэр лигийг 20 тойргийн дараах байдлаар Лондоны Челси клуб тэргүүлж байгаа бол Ливэрпүүл 44 Манчестер сити 42 оноотойгоор удаалж байна. Харин Халл сити, Сандэрланд, Суонси сити зэрэг багууд “сүүл мушгиж” байгаа юм.
О.ДАШНЯМ