Английн премьер лигийн түүхэнд нэг улиралд 13 тоглолт дарааллаж хожоод байсан Чельси энэ тойрогт нэг хотын баг Тоттэнхэмд 2:0-ээр ялагдал хүлээлээ.
Энэ тоглолтонд Английн өсөх ирээдүйтэй залуу хагас хамгаалагч Деле Алли шилдэг тоглолтыг үзүүлж 2 гоол оруулж багаа хожилд хөтөлсөн юм. Гоолын дамжуулалтуудыг Дани тоглогч Кристиан Эриксэн өгч 2015-2016 улирлаас хойш премьер лигт 20 дахь ассистаа гүйцэтгэсэн байна.
Челси ийнхүү улирлын 3 дахь ялагдлаа хүлээсэн бол Тотэнхэм премьер лигт дасгалжуулагч Маурисио Почеттиногийн удирдлага дор Уайт Харт Лэйн цэнгэлдэхдээ явагдсан Лондонгийн дэрбид ялагдаж байгаагүй цуврал үргэлжилсээр л байна.
О.ДАШНЯМ
