Монголын Үндэсний сагсан бөмбөгийн холбооноос зохион байгуулж 21 аймгийн лигийн тэмцээний тойргийн сүүлийн тоглолтууд энэ өдрүүдэд үргэлжилж байна.
Энэхүү тэмцээнд БНАСАУ-ын шигшээ багийн 4 тамирчин оролцохоор Монголд газардаад байгаа юм. Тус тамирчид дасгалжуулагчийн хамт хүрэлцэн ирсэн бөгөөд МҮСБХ-оос багуудад хувиарлаж өгөх юм. МҮСБХ-ны ерөнхий нарийн бичгийн дарга С.Тулга “21 аймгийн тэмцээнийг сонирхолтой болгох үүднээс тухайн аймгаас төрөн гарсан урлаг, соёл, спортын алдартнуудыг оролцуулдаг. Мөн легионер тоглогчид ч тоглож байна. Бид шөвгийн наймын тоглолтыг сонирхолтой байлгах үүднээс БНАСАУ-ын шигшээ багийн 4 тамирчинг урьж авчирлаа. Энэ ажлын гол зорилго нь АНУ, БНАСАУ-ын тамирчид нэг багт тоглох боломж Монголд гарах гэж байгаад оршиж байна. Тус тэмцээний шөвгийн наймын эхний тоглолтуудыг хөдөө орон нутагт буюу аймгууд өөрсдийн талбайдаа хүлээж авах юм.
О.ДАШНЯМ