NBA-ийн солилцооны цонх нээгдэхтэй зэрэгцэж багуудын бүрэлдэхүүнд багагүй өөрчлөлтүүд орч байна. Тамирчны замналынхаа турш Филаделфиа 76, Чигаго буллс, Атланта зэрэг багуудад тоглож байсан шилдэг мэргэн бууч Кайл Корвер өнгөрсөн улирлын аварга Кавальерт багт хүчин зүтгэхээр боллоо.
Кавальерс түүнийг багтаа нэгтгэхийн тулд ахмад хамгаалагч Майк Данливиг, 2018 оны драптын нэгдүгээр тойргийн сонголтын хамт Атланта хаукс багт өгсөн байна. Кайл Корвер карерынхаа турш 3 онооны шидэлтийг 42.9 хувьтай гүйцэтгэж байгаа юм. Шилдэг тоглогчоо солилцоонд оруулсан Атланта хаукс баг Пол Милсап, Табо Саплашо, Тим Хардввэе жуниор гэх тоглогчдоо зарж Денис Шрөдер, Дуэт Ховард, Бэзмор нартай шинэ гэрээ байгуулахаар төлөвлөж байна.
О.ДАШНЯМ