''Цодгор хүү 2017'' Улаанбаатар хотын аварга шалгаруулах тэмцээн 1-р сарын 5-наас 7-ны хооронд Монголын хүүхдийн ордонд болж байна.
Шатрын спортыг хөгжүүлэх, сурталчлах, өсвөрийн шатарчдын ур чадварыг дээшлүүлэх, авъяаслаг хүүхдүүдийг шинээр нээн гаргах зорилгоор жил бүр уламжлал болгон зохиогддог тэмцээн юм.
Энэ тэмцээн 5 хүртэл насны охид хөвгүүд, 6-7 насны охид хөвгүүд, 8-9 насны охид хөвгүүд, 10-11 насны охид хөвгүүд, 12-13 насны охид хөвгүүд, 14-15 насны охид хөвгүүд, 16-17 насны охид хөвгүүд гэсэн 7 насны ангиллаар явагдаж байна.
Тэмцээний ангилал тус бүрийн эхний 9 тамирчин “Цодгор хүү-2017” улсын аварга шалгаруулах тэмцээнд оролцох эрх олгох юм.
А.ЦЭРЭНДУЛАМ