Монгол Улсын гавьяат тамарчин, уулын спортын ОУХМ Б.Гангаамаа дэлхийн долоон тивийн ноён оргилуудад амжилттай авирсан байна. Тэрээр өнөөдөр хэвлэлийн бага хурал хийж, хамгийн сүүлчийн оргил болох Антарктид тивийн Винсон Массифт хэрхэн авирсан талаараа хэллээ.
Винсон Массиф нь 4897 метрийн өндөр уул юм. Тэрээр өнгөрсөн сарын 26-нд УБ-ын цагаар 09.57 минутад, Чилийн цагаар 25-ны 19.15 минутад уулын оройд гарч, эх орныхоо далбааг мандуулжээ. Ингэснээр тэрээр долоон тивийн ноён оргилд гарсан, Монголын анхны тамирчин боллоо.
Б.Гангаамаа Монгол Улсынхаа нэрийг дэлхий дахинд цуурайтуулан, дэлхийн долоон ноён оргилд гарсан, 19 дэх эмэгтэй уулчин болсонд нь байр хүргэж Засгийн газрын хэрэгжүүлэгч агентлаг Биеийн тамир, спортын газрын дарга Ц.Шаравжамц хүлээн авч уулзлаа.
Б.Гангаамаагийн гаргасан амжилтууд:
Уулчдын хувьд манай дэлхий долоон тивтэй байдаг байна. Эдгээр ноён оргилд гарсан 180 орчим эрэгтэй, 18 эмэгтэй уулчин байдаг байна.
Өнөөдөр болсон хэвлэлийн хурлын үеэр Б.Гангаамаа "Долоон тивийн оргилд гарснаар би дэлхийг хураалаа" гээд хамтран ажилласан байгууллагууд, ивээн тэтгэгчдэдээ талархал илэрхийлж байсан юм.
А.ЦЭРЭНДУЛАМ