"Олон улсын хөл бөмбөгийн холбоо”-yы удирдах зөвлөлийн гишүүд энэ сарын 10-ы өдөр Цюрих хотноо хуралдсан байна. Энэ хурлаар хөлбөмбөгийн Дэлхийн аварга шалгаруулах тэмцээнд оролцох багийн тоог 32-аас 48 болгож нэмэгдүүлсэн юм.
Энэхүү санаачлагыг “Олон улсын хөлбөмбөг”-ын холбооны тэргүүн Жианни Инфантино дэвшүүлж хурлаар батлагдаж байна. Энэ шийдвэрийг 2026 оны хөлбөмбөгийн Дэлхийн аварга шалгаруулах тэмцээнээс эхлүүлэн мөрдөх юм. 1998 оны Франц улсад зохиогдсон ДАШТ-ээс хойш шинэчлэгдээгүй байсан формат 2026 онд өөрчлөгдөхөөр боллоо. Энэ талаар мэдээллийг “Олон улсын хөлбөмбөг холбоо”-оос албан ёсны твиттер хуудсаараа дамжуулан мэдэгдсэн бөгөөд дэлгэрэнгүй мэдээллийг ойрын хугацаанд олон нийтэд зарлах юм.
О.ДАШНЯМ
