Францын жудогийн шигшээ багийн шилдэг тамирчин Лондонгийн олимпийн хүрэл медальт Аутумне Павиа зодог тайлахаар болжээ. Өдгөө 27 настай тамирчин бүсгүй ирээдүйнхээ талаар “Ээж болж эмэгтэй хүнийхээ үүргийг биелүүлнэ” гэж мэдэгдсэн юм. Аутумне Павиа нь 57 кг-ын жингийн шилдэг тамирчин МУГТ Д.Сумьяагийн жингийн гол өрсөлдөгч нь байсан билээ.
Тэрээр Лондонгийн олимпийн наадмаас хүрэл, 2014 оны Челабинскийн ДАШТ, 2015 оы Астанагийн ДАШТ-аас тус бүр хүрэл хүрэл медаль хүртэж, 2013 болон 2016 онуудад Европ тивийн аваргаар шалгараад байсан. Сонирхуулахад түүний найз залуу нь Их Британийн шилдэг жудоч Эшли Маккензи юм.
О.ДАШНЯМ