ОХУ-ын “БЛАГОВЕЩЕНСК” хотод Спортын Гимнастикийн олон улсын тэмцээн өнөөдөр эхэллээ. Тэмцээнд Монгол, Филиппин, ОХУ-ын Владивосток, Благовещенск, Чита, Якутск зэрэг 3 орны 14 багийн 100 гаруй тамирчид өсвөр нас, насанд хүрэгчдийн ангиллаар өрсөлдөж байна.
Одоогоор манай тамирчид тус тэмцээнээс гурван алт, нэг мөнгөн медаль хүртээд байна.
Yүнд: эрэгтэй тамирчдаас
-Э.Эрдэнэболд (Спортын II зэргээр) 9 тамирчинтай өрсөлдөж нийлбэр дүнгээр 60.900 оноогоор алтан медаль,
-Д.Энхтүвшин, (Спортын I зэргээр) 17 тамирчинтай өрсөлдөж нийлбэр дүнгээр 69.950 оноогоор алтан медаль,
-Б.Болдбаатар, (Спортын I зэргээр) 17 тамирчинтай өрсөлдөж нийлбэр дүнгээр 69.950 оноогоор мөнгөн медаль,
-А.Энхтулга (Насанд хүрэгчдийн ангиллаар) 9 тамирчинтай өрсөлдөж нийлбэр дүнгээр 82.550 оноогоор алтан медаль тус тус хүртсэн байна.
Харин эмэгтэй төрлийн тэмцээн үргэлжилж байгаа бөгөөд манай тамирчдаас Насанд хүрэгчдийн ангиллаар Б.Мөнхсайхан, Г.Мөнхзол, Г.Мөнхзул, А.Болор-Эрдэнэ нар (Спортын дэд мастерын ангиллаар), Э.Мөнхнаран (Спортын I зэргээр) өрсөлдөж байна.
А.ЦЭРЭНДУЛАМ