МУГТ В.Батбаярын нэрэмжит сонирхогчдын боксийн улсын аварга шалгаруулах эрэгтэйчүүдийн 37 дах удаагийн тэмцээн “Спортын төв ордон”-ы “А” зааланд амжилттай зохиогдож дүнгээ гаргалаа. Тэмцээний жин тус бүрийн аваргуудыг танилцуулж байна.
52кг-д “Хилчин” спорт хорооны тамирчин М.Гандулам түрүүлж Баян-Өлгий аймгийн боксчин А.Нурлан мөнгөн медаль хүртсэн. Хүрэл медалийг “Хөх чоно” клубийн Ц.Батнасан , Баянхонгор аймгийн Т.Энхтөр нар авсан.
60кг-ын жинд “Сүлд” спорт хорооны залуу тамирчин Э.Цэндбаатар түрүүлж гавьяат тамирчин Д.Отгондалай мөнгөн медаль авсан. Шигшээ тулаан өрсөлдөөнтэй болж 3:2-оор залуу мастер ялалт байгуулсан. Хүрэл медалийг О.Батхүү, “Хангарьд” спорт хорооны Ц.Пүрэвсүрэн нар гардсан.
69кг-д “Хүч” спорт хорооны тамирчин ОУХМ Б.Түвшинбат алтан медаль хүртсэн бол Мөнгөн медалийг “Сүлд” спорт хорооны тамирчин О.Батзориг хүртсэн. Хүрэл медалийн эзнээр Баянгол дүүргийн Б.Батзориг , “Хангарьд” спорт хорооны Б.Сүххуяг нар тодорлоо. Б.Түвшинбат мастер УАШТ-нд 10 дах удаагаа түрүүлж байгаа нь энэ юм.
75кг-д “Аврагч” спорт хорооны тамирчин спортын мастер Ж.Отгонжаргал түрүүлж “Хилчин” спорт хорооны тамирчин Б.Эрхэмбаяр удаалсан. Хүрэл медалийг Баян-Өлгийн Л.Жоламан, “Ирвэс” клубийн М.Энхбаяр нар хүртлээ.
81кг-д “Алдар” спорт хорооны тамирчин ОУХМ Н.Шинэбаяр аварга болж, мөнгөн медалийг “Хөх чоно” клубийн тамирчин Б.Содгэрэл хүртлээ. Хүрэл медалийн эзнээр “Хилчин” спорт хорооны А.Бат-Очир, Г.Мандахтөр нар тодорлоо.
91кг-д “Боди макс” клубийн тамирчин С.Эрдэнэбаяр түрүүлсэн бол мөнгөн медалийг “Хилчин” спорт хорооны тамирчин Б.Ганбаяр хүртлээ. Хүрэл медалийг “Монгол мастер” клубийн Д.Отгонбаяр, “Хаялга” клубийн Л.Зоригтбаатар нар авсан юм.
+91кг-д “Хилчин” спорт хорооны тамирчин ОУХМ Т.Чулуунтөмөр “Алдар” спорт хорооны тамирчин Т.Ерболат удаалсан. Энэ жингийн хүрэл медалийг Д.Идэрбат , “Сүлд” спорт хорооны Б.Агарзандан нар тус тус хүртлээ.
О.ДАШНЯМ