Жүдо бөхийн насанд хүрэгчдийн эрэгтэй 40, эмэгтэй 25, багийн 5 дахь удаагийн улсын аварга шалгаруулах тэмцээн 2 дах өдрөө “Спортын төв ордон”-ы “А” зааланд явагдлаа. Энэ удаагийн тэмцээнд хот хөдөөгийн 76 байгууллагын 360 гаруй тамирчид өрсөлдөж байгаа юм. Өнөөдрийн барилдаанд 90 кг-ын шилдэг тамирчин ОУХМ Л.Отгонбаатар энэ удаагийн УАШТ-ийг өнжсөнийг эс тооцвол шилгүүд бүгд зодоглосон юм.
Та бүхэнд жин тус бүрийн аваргуудыг танилцуулья. Эрэгтэйчүүдийн 81 кг
1.О. Ууганбаатар “Сүлд” спорт хороо
2. Н. Дагвасүрэн “Хангарьд” спорт клуб
3. Б. Гаажадамба “Женко” клуб
3. Н. Дагвадорж “Хилчин” спорт хороо
2016 оны улсын аваргаар мөн энэ хоёр тамирчин аваргын төлөө барилдаж О.Ууганбаатар хожиж олимийн наадамд зодоглох эрхээ баталгаажуулж байсан юм. Энэ тэрээр УАШТ-д тав дах удаагаа түрүүлж байна.
90кг
1. Г. Алтанбагана “Алдар” спорт хороо
2. Б. Бат-Эрдэнэ “Хилчин” спорт хороо
3. О. Хангал Монголын Жүдо Академи
3. Э. Мөнхжаргал “Сүлд” спорт хороо
Энэ жинд түрүүлсэн залуу мастер Г.Алтанбагана тэмцээний шилдэг эрэгтэй тамирчнаар шалгарсан. Өнгөрсөн жил хүрэл медаль хүртэж дуулиан тарьж байсан залуу тамирчин О.Цэцэнцэнгэл энэ удаа нэгдүгээр тойрогтоо хожигдож тэмцээнээ өндөрлүүлсэн.
100кг
1.Б. Жанчивдорж “Хүч” спорт хороо
2. Х. Цогтгэрэл “Алдар” спорт хороо
3. Б. Серик “Сүлд” спорт хороо
3. Г. Түвшинжаргал “Хилчин” спорт хороо
Жудо сонирхогчид Х.Цогтгэрэлийг түрүүлнэ гэж таамаглаж байсан ч хашир туршлагатай мастер Б.Жанчивдоржид ваззари үнэлгээгээр хожигдсон юм. Б.Жанчивдорж нь жудо бөхөөс завсарлаад байсан бөгөөд иргэн ирэлтээ хүчтэй хийж УАШТ-ээ түрүүлж байна.
+100кг
1. Н. Түвшинбаяр “Женко” клуб
2. Б. Сугаржаргал “Женко” клуб
3. Ө. Дүүрэнбаяр “Алдар” спорт хороо
3. Б. Бат-Орших “Хилчин” спорт хороо
Найдлага алддаггүй Найдангийн Түвшинбаяр аварга энэ удаа дээд жиндээ орж торолгүй түрүүллээ. Энэ жинд үндэсний бөхөөр амжилттай барилдаж буй Улсын харцага Н.Жаргалбаяр өрсөлдсөн ч хараахан медаль хүртсэн юм.
Эмэгтэйчүүдийн 70кг
1. Б. Хулан “Женко” клуб
2. Б. “Хилчин” спорт хороо
3. М. Баяртуул “Боржин төв” дэвжээ
3. А. Бадамгарав Монголын Жүдо Академи
Энэ жингийн гол тамирчин Азийн аварга Ц.Наранжаргал дээд жиндээ өрсөлдөж залуу тамирчдадаа боломж олгосон юм. Энэ боломжийг УАШТ-ий хүрэл медальт “Женко” клубийн залуу тамирчин Б.Хулан алдалгүй ашиглаж анх удаа түрүүллээ.
-78кг
1. Ц. Наранжаргал, “Женко” клуб
2. Б. Мягмарцэнд “Женко” клуб
3. Г. Сарангоо “Хилчин” спорт хороо
3. Э. Отгонтунгалаг “Женко” клуб
Энэ жинд “Женко” клубийн тамирчид манлайлж 3 нь медалийн тавцанд зогссон юм.
+78кг
1. Б. Мөнхтуяа “Хилчин” спорт хороо
2. О. Жавзмаа “Хилчин” спорт хороо
3. Э. Гандиймаа “Хилчин” спорт хороо
3. Ш. Сэржмядаг Төрөлжсөн Сургалттай Биеийн Тамир Спортын Дунд Сургууль
Тэмцээний шилдэг тамирчин ОУХМ Г.Алтанбагана, МУГТ Д.Сумьяа нар
Тэмцээнийг багийн дүнгээр Цэдэн-Ишийн Шийрэв дасгалжуулагчтай "Сүлд" спорт хорооны баг тамирчид манлайлсан юм.
О.ДАШНЯМ