Монголын хөлбөмбөгийн шигшээ багийн ахлах дасгалжуулагчаар Герман улсын мэргэжилтэн Ханс Михаэль Вайс ажиллахаар боллоо. Ханс Михаэль Вайсс нь Англи, Япон хэлтэй, Европын Хөлбөмбөгийн холбооны дээд зэрэглэлтэй (UEFA Pro ) дасгалжуулагч юм.
Тэрбээр өмнө нь Филиппин улсын үндэсни0й шигшээ багийн ахлах дасгалжуулагч, Хятадын олимпийн шигшээ багийн туслах дасгалжуулагч, Бүринди улсын шигшээ багийн ахлах дасгалжуулагч Японы “J league”, Румын улсын 1-р лигийн багын ахлах дасгалжуулагчаар тус тус ажиллаж байсан туршлагатай. Дасгалжуулагчийн замналдаа гаргасан хамгийн том амжилт нь 2010 онд дэлхийн чансааны 190-д бичигдэж байсан Флиппин улсын шигшээ багийг дасгалжуулан 2013 онд 127-т аваачсан явдал юм. Тэрээр тоглогч байхдаа хаалгач байсан бөгөөд 2001 оноос дасгалжуулагчийн карьер нь эхэлсэн. Монголын шигшээ багийн дасгалжуулагчаар “Эрчим” клубийн дасгалжуулагч З.Баттулга ажиллаж байсан юм.
О.ДАШНЯМ