Монгол Улсын мөсөн хананд авиралтын улсын аварга шалгаруулах тэмцээн нэгдүгээр сарын 20-22-ны өдрүүдэд олон улсын хүүхдийн найрамдал зусланд болж байна. Тэмцээнд Улаанбаатар хотод үйл ажиллагаа явуулдаг уулын клубууд, биеийн тамирын их, дээд сургуулиудын 80 орчим тамирчид оролцохоор мэдүүлэг ирүүлээд байгаа юм.
Тус тэмцээнд “Олон улсын уулын холбоо”-ноос мэргэжлийн шүүгч Надежда Лауниц, зам засагч Василий Терехин нар хүрэлцэн ирж тэмцээний зохион байгуулалтад оролцож байна. Тэд цаашид Монгол Улсад олон улсын тэмцээн зохион байгуулах нөхцөл боломжийг судлаж, шинээр ашиглалтад орсон мөсөн хананд үнэлэлт өгч, дотоодын шүүгч нарт сургалт хийх зорилготой ирсэн юм.
Манай улсын хувьд 2018 онд мөсөнд авиралтын олон улсын тэмцээнийг эх орондоо зохион байгуулах хүсэлтийг Олон улсын уулийн холбоонд гаргаад байгаа юм.
О.ДАШНЯМ
