Монголын үндэсний сагсан бөмбөгийн холбооноос зохион байгуулж буй 21 аймгийн лигийн тэмцээний “Бүх одод”-ын тоглолт ирэх Баасан гарагт буюу 27-ны өдөр Спортын төв ордонд зохиогдохоор боллоо. Бүх оддын тоглолтын үеээр
• Баруун зүүн бүсийн холимог оддын тоглолт
• Үндэсний лигийн шигшээ баг - АНУ болон БНСАУ-ын легонер тамирчдын эсрэг тоглолт
• Спрайт Слэм данк
• Холын зайн шидэлтийн тэмцээн
• Ур чадварын тэмцээн
• Багийн тэмцээн зэрэг сонирхолтой тэмцээнүүд явагдах юм.
Энэ жилийн бүх оддын тоглолтын онцлог нь Бүгд Найрамдах Ардчилсан Солонгос Улсын шигшээ багийн тамирчид анх удаагаа оролцож байгаа юм. Шидэлтийн техникээрээ тивдээ шилдэгт тооцогддог тамирчидтай Монголын залуу тамирчид хэрхэн өрсөлддөх нь сагсан бөмбөг сонирхогчдын анхаарлыг ихээр татаж байна. “Бүх одод”ы-н тоглолтын тасалбарын үнэ 5000 төгрөгөөр борлуулагдах юм.
О.ДАШНЯМ