Чөлөөт бөхийн эрэгтэйчүүдийн багийн “Дэлхийн цом”-ын тэмцээн ирэх сарын сарын 16-17-нд Иран улсад болно. Чөлөөт бөхийн дэлхийн аварга шалгаруулах тэмцээнд багийн дүнгээр эхний наймд байр эзлэсэн улсууд өрсөлддөг тус тэмцээнд Монголын баг оролцохоор уригдаад байгаа юм.
Энэ жилийн багийн “Дэлхийн цом”-ын аварга шалгаруулах тэмцээнд Иран, Азербайжан, АНУ, Гүрж, ОХУ, Турк, Энэтхэг, Монгол гэсэн бөхийн шилдэг орнууд өрсөлдөлднө. Тус тэмцээний шагналын сан 50 мянган ам.доллар байдаг бөгөөд түрүүлсэн баг 25, хоёрдугаар байрт шалгарсан баг 15, гуравдугаар байрт шалгарсан баг 10 мянган ам.долларын шагнал хүртдэг юм. Одоогийн байдлаар Монголын багийн бүрэлдэхүүн тодроогүй байгаа бөгөөд 2015 оны тэмцээн АНУ-д зохиогдоход зургаадугаар байрт шалгарч байсан. Монголын шигшээ баг энэхүү тэмцээнд сүүлийн гурван жил дарааллан урилгаар оролцож байна.
О.ДАШНЯМ