Хоёр дах тоглолт Баруун бүсийг тэргүүлж Play off-д нэгдүгээр байраар шалгарсан Ховд аймгийн баг Хөвсгөл аймгийн багтай өрсөлдсөн. Тоглолт эхнээсээ ширүүн өрсөлдөөнтэй болж Хөвсгөл аймгийн багаас Э.Энхтайвны ээлж дараалласан холын зайн шидэлтүүд байндаа тусч, холбогч Чой ру ри багийнхнаа довтолгоог найруулж байсан.
Харин Ховд аймгийн баг тоглолтын турш самбарын тоглогчид болох Болортулга, Манжаа нарыг түлхүү ашиглаж тоглосон. Энэ тоглолтод Ховд аймгийн багаас шилдэг “мэргэн бууч” Ц.Азбаяр, Золзаяа нарын тоглолт хангалтгүй байснаар үндсэн цагт 102:97-оор Хөвсгөл аймгийн баг хожиж цувралын харьцааг 1:1 болгож тэнцүүлсэн. Тоглолтын шилдгээр Хөвсгөл аймгийн багийн тамирчин Энхтайван 24 оноо авч багаа тэргүүлснээр шалгарсан юм.
О.ДАШНЯМ