Самбо бөхийн насанд хүрэгчдийн Монгол Улсын аварга шалгаруулах тэмцээн ирэх сарын 15-16-ны өдрүүдэд “Буянт-Ухаа” спортын ордонд зохиогдохоор боллоо.
Тэмцээнд эрэгтэй тамирчид 52кг, 57кг, 62кг, 68кг, 74кг, 82кг, 90кг, -100кг, +100кг гэсэн ангиллаар өрсөлдөх бол эмэгтэйчүүд -48кг, 52кг, 56кг, 60кг, 64кг, 68 кг, 72кг, -80кг, +80 кг-ын ангиллалд хүч үзнэ.
Мөн байлдааны самбын улсын аваргууд хамт тодорно. Нэг байгууллагаас нэг жинд 3 хүртэлх тамирчин оролцохыг зөвшөөрч байгаа бөгөөд хоёр жинд байж болох юм. Энэ удаагийн улсын аварга шалгаруулах тэмцээн нь тив, Дэлхийн аварга шалгаруулах тэмцээнд эх орноо төлөөлөн оролцох тамирчдыг тодруулх зорилготой зохиогдож байна.
О.ДАШНЯМ