.jpg)
Монголын Үгдэсний сагсан бөмбөгийн холбооноос зохион байгуулж буй “21 аймгийн супер лиг”-ийн “Бүх оддын тогллолт” Спортын төв ордонд эхэллээ.
Бүх оддын тоглолтын эхний өдөр Монголын залуучуудын шигшээ баг АНУ болон БНАСУ-ын легонеруудын багтай халз тоглолт хийсэн. Монголын залуучуудын шигшээ багт “Хэнтий ЭБЭГ” багийн О.Эрдэнэцогт, “Ховд Алтай аргал” багийн Болдбаатар, Манжаа, “Сүхбаатар Альяанс Тех” багийн А.Сүхбат, Дамдинсүрэн, “Увс нуур” багийн Б.Болд, Т.Мэндбаяр нарын шилдэг залуус дуудагдаж тоглосон.
.jpg)
Тоглолтын эхэнд Роберт Төрнер, Браун нарын ээлж дараалласан довтолгоонууд амжилттай болж легонеруудын баг нэгдүгээр үед тасархай тэргүүлсэн. Тоглолтын хоёрдугаар үед залуучуудын шигшээ багийн тоглолт илт сэргэж О.Эрдэнэцогт, Б.Болдбаатар нар гайхалтай тоглолтыг үзүүлж энэ үед оноог тэнцүүлж чадсан. Гэсэн ч сүүлийн хагаст АНУ болон БНАСУ-ын тамирчид бага зэрэг илүү тоглолтыг үзүүлж үндсэн цагт 113:108-аар ялалтыг авсан юм.
Энэ өдрийн үнэ цэнтэй тоглогчоор “Архангай Алтан дорнодын дайчид” багийн хамгаалагч Роберт Төрнэр шалгарсан юм. Энэ өдөр багууд 3 онооны багийн шидэлтийн тэмцээн зохиогдож Монголын багаас Болд, Ариунболд, Батзолбоо, АНУ-аас Роберт Төрнэр, Аллан Томс, Карл Блер, БНАСУын багаас Ким Чон Ил, Ким Чол Мёон, Чой Ру Ри нар оролцож 36 оноо авч түрүүлсэн бол Монголын баг 35 оноогоор удаалсан юм. Мөн ур чадварын тэмцээн холбогч болон төвийн тоглогчдын хооронд зохиогдоход “Эрдэнэт Икон” багийн Син Кюм Бёол аваргаар тодорсон.
О.ДАШНЯМ
