Бөмбөгтэй хоккейн “Б” зэрэглэлийн Дэлхийн аварга шалгаруулах тэмцээн Шведийн Тролхаттан хотод болж өндөрлөлөө. Монгол Улсын шигшээ хүрэл медалийн төлөө Японы багтай өрсөлдөж 6:5-аар хожиж хүрэл медаль хүртлээ.
Энэ тэмцээний алтан медалийг Канадын баг хүртэж ирэх жил “А” ангилалд дэвшиж өрсөлдөхөөр болсон юм. Унгарын баг хагас шигшээ тоглолтод Японы багийг хожиж мөнгөн медаль хүртсэн. Монголын шигшээ баг Япон, Унгар, Украйны багтай “А” хэсэгт орж тэргүүлж гарсан юм. Хасагдах шатанд Голландыг 6-2 харьцаагаар хожсон ч хагас шигшээ тоглолтод Канадын багт 4:3-аар харамсалтай хожигдсон.
Энэ жилийн тухайд манай шигшээ баг ОХУ-ын гурван легионер тамирчнаар хүчээ зузаатган оролцсон нь үр дүнгээ өгч хүрэл медаль хүртлээ. Өнгөрсөн жилийн ДАШТ-нд Монголын баг хүрэл медалийн төлөө Украйны багтай хүнд тоглолт хийж 2:1-ээр хожигдож “ганзага хоосон” ирж байсан юм.
О.ДАШНЯМ