Мэргэжлийн сумо бөхөд нэрээ дуурсгаж, монгол түмнийхээ хайр хүндлэлийг хүлээж ирсэн Токитэнкү Алтангадасын Хүчитбаатар цусны хорт хавдар өвчний улмаас таалал төгслөө. А.Хүчитбаатар 2016 оны нэгдүгээр сард цусны хорт хавдар туссан гэдгээ олон нийтэд мэдэгдэж байсан юм. Үүнээс хойш бүтэн жил орчмын хугацаанд өвчинтэйгөө тэмцэж, эмчилгээ хийлгэж ирсэн юм.
Токитэнкү А.Хүчитбаатар мэргэжлийн сүмогийн дээд зиндаанд 84 башё барилдаж, 548 ялалт байгуулсан юм. Тэрбээр тамирчны замналдаа жүрёо, санданмэ, жонидан, жонокүчи зиндаанд түрүүлж байсан. Мөн А.Хүчитбаатар уран барилдааны шагналыг хүртэж байсан бөгөөд 2007 оны 3 дугаар сард амжилттай барилдаж комүсүби цолонд хүрч байсан билээ. А.Хүчитбаатарын аав нь нэгэн цагт монгол бөхийн дэвжээнд сайн барилдаж байсан Монгол Улсын начин Алтангадас юм.
О.ДАШНЯМ