“Forbes” сэтгүүлээс өнгөрсөн оны хамгийн өндөр орлоготой 100 тамирчныг тодруулжээ. Тус сэтгүүл нь тамирчдын цалин, рекламын орлого зэргийг тооцож жагсаалтыг гаргадаг юм. Энэхүү жагсаалтыг өнөө цагийн хөлбөмбөгийн хамгийн шилдэг тамирчид болох “Реал Мадрид” клубийн лидэр Кристиано Роналдо, “Барселона” клубийн Аргентин довтлогч Лионель Месси нар тэргүүлжээ. К.Роналдогийн 2016 оны цалин нь 56 сая ам.доллар байсан бол рекламаас 32 саяыг олжээ.
Харин Мессигийн цалин нь 53 сая ам.доллар байсан бол рекламнаас 28 сая ам.долларын ашиг олсон аж.
Жагсаалтын гуравдугаар байрт “NBA” –ын “Кливланд Кавалерс” багийн хамгаалагч Леброн Жеймс 77.2 сая ам.долларын орлогоор бичигдсэн байна.
2016 онд хамгийн өндөр орлого олсон 10 тамирчин
1. Криштиано Роналдо (хөлбөмбөг “Реалмадрид”) – 88 сая ам.доллар
2. Лионель Месси (хөлбөмбөг”Барселона”) – 82 сая ам.доллар
3. Леброн Жеймс (сагсан бөмбөг “Кливланд Кавалерс” ) – 77.2 сая ам.доллар
4. Рожер Федерер (теннис) – 67,8 сая ам.доллар
5. Кевин Дюрант (сагсан бөмбөг “Голден Стэт Уариорс”) – 56.2 сая ам.доллар
6. Новак Жокович (теннис) – 55.8 сая ам.доллар
7. Сэм Ньютон (америк хөлбөмбөг) – 53.1 сая ам.доллар
8. Фил Микельсон (гольф) – 52.9 сая ам.доллар
9. Жордан Шпиц (гольф) – 52.8 сая ам.доллар
10. Коби Брайнт (сагсан бөмбөг, зодог тайлсан ) – 50 сая ам.долларын орлоготой юм байна.
О.ДАШНЯМ
