Ирэх амралтын өдрүүдэд Францын Парис хотноо “Олон улсын жудо бөхийн холбоо”-ноос зохион байгуулдаг “Их дуулга” тэмцээн болно. Тус тэмцээнд Монгол Улсаас 19 тамирчны бүрэлдэхүүнтэй баг оролцох төлөвлөгөөтэй байсан ч 13 тамирчин оролцохоор болжээ.
Энэ оны анхны “Их дуулга” тэмцээнд 60 орны эрэгтэй 270, эмэгтэй 161 нийт 431 тамирчин оролцохоор мэдүүлгээ өгөөд байна. Монголын багийн дасгалжуулагчаар МУГД Х.Эрдэнэт- Од ажиллах юм. Та бүхэнд Парисыг зорих Монголын жудочдын бүрэлдэхүүнийг танилцуулж байна.
Эрэгтэй :
• 60 кг - Б. Амартүвшин, Ж. Амарболд
• 66 кг - Г. Хэрлэн, Б. Эрхэмбаяр
• 73 кг - Н. Хадбаатар
• 81 кг - Н. Дагвасүрэн
• 90 кг - Г. Алтанбагана
Эмэгтэй :
• 48 кг - М. Уранцэцэг
• 52 кг - Л. Сосорбарам
• 63 кг - Б. Мөнгөнчимэг, Б. Ганхайч
• +78 кг - О.Жавзмаа, Э. Гандиймаа нар өрсөлдөнө.
Энэхүү тэмцээн нь ОУЖХ-оос гаргасан шинэ дүрмийн дагуу зохиогдоно.
О.ДАШНЯМ
