Их Монгол улс байгуулагдсаны 810, Ардын Хувьсгалын 95 жилийн ойн Үндэсний их баяр наадамд тав давж улсын начин цол хүртсэн Баян-Өлгий аймгийн Булган сумын харьяат Б.Баатарцол, Увс аймгийн Тэс сумын Б.Ганзориг нараас сэргээш илэрсэн билээ.
Энэ өдөр үндэсний их баяр наадмыг зохион байгуулах комисс хуралдаж Баян-Өлгий аймгийн харъяат Батчулуун Баатарцолын барилдах эрхийг нэг жилээр хасч, Увс аймгийн харьяат Бадрах овогтой Ганзоригийн цолыг хураах шийдвэр гаргасан юм. Ингэснээр Б.Баатарцол, Б.Ганзориг нарт наадмын тавын даваанд өвдөг шороодсон Улсын харцага Ө.Даваабаатар, Улсын арслан Б.Ганбат нар чимэг нэмж байна.
О.ДАШНЯМ
