.JPG)
Монгол оронд өвлийн аялал жуулчлалыг хөгжүүлэх, аялал жуулчлалын улирлын хугацааг уртасгах, Азийн цэвэр усны томоохон нөөц Хөвсгөл далай, түүний орчмын нутгийн үзэсгэлэнт байгалийг хамгаалах зорилготой мөсний баярыг зохион байгуулдаг уламжлалтай.
Мөсний баяр Хөвсгөл аймагт 17 дахь жилдээ болох гэж байна. Анх тодорхой хугацаагүй байсан бол сүүлийн жилүүдээс эхлээд тогтсон хугацаатай болсон. Энэ нь 3-р сарын 2-ноос 5-нд Хөвсгөл далай дээр болдог билээ.
Энэ жилийн Мөсний баярт мөсний унадаг дугуйн уралдаан болно. Мөсний унадаг дугуйн уралдаан 2 өдрийн өмнө Хөвсгөл аймгийн Хатгал сумаас гарч Хөвсгөл аймгийн Ханх сум ороод 3 дахь өдрөө ирж бариандаа ордог юм. Нэг талдаа 120-130 км зам туулдаг эр зориг тэвчээр шаардсан уралдаан болдог юм.
Энэ жилийн хувьд Орос улсын уран гулгалтын тамирчинд ирж оролцохоороо онцлогтой юм байна. Мөн мөсөн шагайн тэмцээн, автомашины уран жолоодлогын уралдаан, чаргатай морьдын уралдаан явуулж, цаатан өрхтэй танилцуулан, цаа бугын үзүүлбэр үзүүлэхээс гадна үндэсний хувцасны өвлийн загварын үзүүлбэр үзүүлэх зэрэг олон баялаг арга хэмжээ болох юм байна.
А.ЦЭРЭНДУЛАМ
