“Алтан хүү” даамын клубээс зохион байгуулдаг чансаа тогтоох цуврал энэ оны анхны тэмцээн болж өндөрлөлөө. Тэмцээнд нийт 61 даамчин өрсөлдсөн бөгөөд Олон Улсын Их Мастер 4, Дэлхийн даамын холбооны мастер 4, спортын мастер 9, спортын дэд мастер 13 байсан юм. Тамирчид Швейцари системээр 9 өрөг тоглож аваргуудаа тодруулахад “Алдар” спорт хорооны тамирчин дэлхийн даамын холбооны мастер Ц.Отгонбилиг долоо хожиж, хоёр удаа тэнцэж 16 оноогоор түрүүлж, олон улсын их мастер Д.Эрдэнэбилиг хоёрдугаар байр эзэлж, Дэлхийн даамын холбоонб дэд мастер С.Даваадорж, сдортын мастер Б.Батжаргал, Олон улсын их мастер Р.Манлай нар удаах байруудыг эзлэсэн байна.
“Тэмцээний эмэгтэйчүүдийн ангилалд спортын мастер Г.Хэрлэнмөрөн түрүүлж Е.Ариунзаяа удаалж, ахмад даамчдаас дэд мастер С.Энхээ, Ц.Батхүү, хөвгүүдээс дэд мастер Ц.Чинзориг, охидоос ДДХДМ Б.Мишээл, сонирхогчдоос Д.Жамбалдорж нар тусгай шагналын эзэд болсон юм.
О.ДАШНЯМ
