Дэлхийн Эрүүл Мэндийн Байгууллагаас хорт хавдрыг аль болох эрт шатанд нь оношлох тухай шинэ зөвлөмжийг Женевийн тунхагтаа гаргажээ. Оношийг эрт тогтоож чадсанаар хор хавдрыг газар авахуулгүй эмчлэх, улмаар хорт хавдраар өвчилсөн өвчтөний амьдрах боломжийг нэмэгдүүлнэ гэж зөвлөмжиндөө дурджээ.
ДЭМБ-ын сүүлийн үеийн статистик тайлангаас үзвэл, дэлхий дээр хорт хавдраар нас барагсдын тоо нийт нас баралтын 1/6 хувьд хүрчээ. Нас баралтын нийтлэг хорт хавдрыг дэндүү хожуу оношилж, оройтож тогтоож байгаа гэдэгтэй ДЭМБ санал нэгдсэн байна. Оройтож оношилсон тохиолдолд, эмчилгээний зардал өндөр болж, эмчлэхэд ч улам төвөгтэй болдог нь нууц биш.
Тиймээс хорт хавдрыг эрт шатанд нь оношилж ЭМЧИЛГЭЭГ САЙЖРУУЛЖ болох гурван алхмыг ДЭМБ-аас гаргасан байна. Үүнд :
- Хорт хавдрын төрөл бүрийн илрэлийн тухай олон нийтийн ойлголтыг нэмэгдүүлж, холбогдох илрэлийг мэдсэн тохиолдолд цагтай өрсөн эмчлүүлэх
- Эрүүл мэндийн үйлчилгээг эрчимжүүлэх, эрүүл мэндийн үйлчилгээний тоног төхөөрөмжөөр хангах болон эрүүл мэндийн ажилтныг сургалтанд хамруулах тал дээр анхаарах мөн хорт хавдрыг илрүүлэн тоног төхөөрөмжин дээр хөрөнгө оруулалтаа өргөтгөж сайжруулах
- Хорт хавдраар өвчилсөн өвчтөн аюулгүй, үр ашигтай эмчилгээ авахыг баталгаажуулж, өвдөлтийг багасахын зэрэгцээ өвчтөнийг амьдралын болон эдийн засгийн хүндрэлд оруулахаас зайлсхийх эдгээр болно гэж тэмдэглэжээ.
Эдгээр алхмыг хэрэгжүүлж чадвал улс орнууд 2030 оноос хорт хавдар болон бусад халдварын бус өвчин эмгэгийн улмаас нас барах хэмжээг 1/3 хувь бууруулах боломжтой болох юм гэж ДЭМБ илтгэлдээ тэмдэглэсэн байна.
Ц.ХИШГЭЭ