Финландийн Лати хотноо үргэлжилж буй цанын Дэлхийн Аварга шалгаруулах тэмцээний “В” зэрэглэлийн 10 км-ийн уралдаанд 28 орны 67 тамирчин өрсөлдсөнөөс Олон Улсын хэмжээний мастер Б.Ачбадрах 3-р байр эзлэж хүрэл медаль хүртлээ.
Энэ ангилалд өрсөлдсөн ОУХМ Б.Амарсанаа уралдаж 19-р байр эзлэсэн байна. Эмэгтэйчүүдийн ДАШТ-ний “Б” зэрэглэлийн 10 км-ийн уралдаанд 18 орны 35 тамирчин уралдснаас Монгол Улсын шигшээ багийн тамирчин Ч.Отгонцэцэг 4-р байр, А.Энхтуул 9-р байр эзлэж “А” зэрэглэлийн ДАШТ-нд уралдах эрхээ авсан байна.
Тус тэмцээнд шигшээ багийн дасгалжуулагчаар Ж.Дашдондог, спортын мастер Ж.Халиунаа нар оролцож байгаа юм.
О.ДАШНЯМ
