Английн примиэр лигийн 27 дугаар тойргийн тоглолтууд өнгөрсөн амралтын өдрүүдэд явагдлаа. Энэ тойргийн онцлох тоглолт лигийн 18 удаагийн аварга Ливерпүүл болон Лондоны Арсенал клубуудын хооронд явагсан юм.
Хоёр багийн эхний тоглолтод Ливерпүүл өрсөлдөгчөө талбайд нь 4:3 аар хожиж байсан бол энэ удаа ч илүүрхэж 3:1-ээр буулгаж авсан.
Тоглолтын эхний гоолыг Коутиногийн ухаалаг дамжуулалтаар Фирмино оруулсан бол “хар алмаз” Сайдо Мане гоол оруулж багийнхаа тэргүүллийг баталгаажуулсан.
Хоёрдугаар үеийн 57 дох минутанд Арсеналын Англи довтлогч Дани Уэлбэк Алексис Санчесын дамжуулалтаар гоолдож тооны харьцааг ойртуулсан ч тоглолтын эцсийн цэгийг Ливерпүүлын Голланд хагас хамгаалагч Уиналдум сөрөг довтолгоогоор гоол хийж тавьсан.
27 дугаар тойрогт явагдсан бусад тоглолтуудын мэдээллийг хүргэе.
Манчестр Юнайтед 1:1 Боурнмут Лэстэр сити 3:1 Халл сити Стоук сити 2:0 Мидлэсборо Суонси сити 3:2 Бөрнли Уотфорд 3:4 Саутхэмптон Уэсбром 0:2 Кристал плас Манчестр сити 2:0 Сандерланд Тоттенхэм 3:2 Эвертон Хүснэгтийн тэргүүн баг Челси өнөөдөр Уэстхэм клубийн талбайд зочилж тоглоно.
О.ДАШНЯМ
