.JPG)
Аваргуудын Лигийн бас нэгэн гайхалтай тоглолт та биднийг энэ үдэш хүлээж буй. Парис Сан Жермэнд 4:0-ээр хожигдсон алдарт Барселона хариу тоглолтоо хийх болно. Өөрийн цэнгэлдэх хүрээлэндээ ямар ч хүчтэй багийг сөхрүүлдэг Барселонад Францын аварга Парис Сан Жерменийг дор хаяж 4:0 харьцаагаар хожих хүндхэн даалгавар бий. Месси, Неймар, Суарасын гурвал хэдэн ч гоол оруулах чадвартай. Тэд 4 биш 6 гоол оруулна гэж Барсагийн дасгалжуулагч Энрике хэвлэлд ярилцлага өгөхдөө онцоллоо.
Нутгийнхаа талбайд 4:0-ээр хожиж чадсан францчууд гараа хумхиад зүгээр суухгүй нь ойлгомжтой. Тоглолтыг өнөө орой 22.40-өөс Оросын сувгаар шууд дамжуулах болно. Энрике дасгалжуулагч бүтэхгүй зүйл ярьж байх шиг санагдана. Барселона баг бол мандан бадарч буй Барса биш болсон. Тиймээс Энрикегийн үгийг багаа зоригжуулсан үг гэж л хүлээн авахаас өөр аргагүй.
ЭХ СУРВАЛЖ : SPORTLIFE.MN
