Өмнөговь аймгийн манлай сумын харьяат 1969 оны улсын баяр наадмын түрүү бөх Улсын арслан Гомбо-Аюушийн Дэмүүлийн нэрэмжит улс, аймгийн алдар цолтой хүчит 224-н бөхийн барилдааныг энэ сарын 11-ний өдөр “Монгол бөхийн өргөө”-нд болно.
Тус барилдааныг Өмнөговь аймгийн ЗДТГ, “Таван толгой” ХК Монголын үндэсний бөхийн холбоотой хамтарч жил бүр зохион байгуулдаг байсан ч сүүлийн 5 жилийн хугацаанд завсардаад байсан билээ.
Улсын арслан Г.Дэмүүлийн нэрэмжит барилдааны бай бусад барилдааныг бодвол өндөр байх бөгөөд түрүү бөх 5 сая, үзүүр бөхийг 3 сая, их шөвөгт шалгарсан бөхчүүдийг 1сая 500 мянган төгрөгөөр шагнах юм.
О.ДАШНЯМ
