Бөөр бол бие махбодийн хамгийн сайн шүүлтүүр. Хэрвээ бөөр өвчлөхдөө маш удаан хугацаанд ямар шинж тэмдэг өгөхгүй байдаг. Харин бөөрний өвчлөл эхэлж байгааг хүний бие махбодь анхааруулга өгч байдаг.
Бүсэлхийн өвдөлт
Бөөрний чулууны үрэвсэл, шээлүүрийн замын үрэвслийн үед бүсэлхийгээр гэнэт татаж хүчтэй өвддөг. Энэ өвдөлт олон уулзахаас хэтрэхгүй дамжилт өгнө. Нуруу нугаламын бүсэлхийн өвдөлт аажим эхэлж аарцаг цавь хөл рүү дамжиж өвддөгөөр онцлог.
Ядрах
Бөөр ажиллах үед эритропоэтин дааврыг ялгаруулж байдаг. Энэ даавар нь цусны улаан бөөмийн тоог нэмэгдүүлж байдаг. Хэрвээ бөөрний үйл ажиллагаа сулрах юм бол улаан бөөмийн тоо цөөрч бие махбодь хүчилтөрөгчийн дутагдалд орж тархи, булчинд цусан хангамж муудсанаас бие суларч ядарч эхэлнэ.
Ой санамж муудаж анхаарал саринаж эхэлнэ
Бөөрний үйл ажиллагаа сулрахын зэрэгцээ цус багадалт явагдана. Цус улаан бөөмийн тоон цөөрөлт бие махбодийн хүчилтөрөгчийн дутмагшилд орсноор толгой өвдөх, эргэх, мартамхай болж, анхаарал төвлөрөхгүй сарниж байдаг.
Тууралт
Бөөрний үйл ажиллагаа суларснаас болж шүүгдээгүй хортой нэгдлүүдийн цусан дахь хуримтлалыг бие махбодь арьсаар нэвчүүлэн гадагшлуулах замд мэдрэлийн эсүүдийг гэмтээж арьсны тууралт болдог. Энэ тууралт нь арьсны давхаргыг үрэвсүүлж загатнуулж хайрст үлд үүсгэдэг.
Амьсгаадалт
Цусны улаан бөөм багасаж цусны улаан бөөмний тоо цөөрч, хүчилтөрөгчийн эзлэхүүн багасаж, харшлын шинж өгснөөр хүн явж чадахгүй амьсгаадалт ихэснэ.
Хавагналт
Бөөрний үйл ажиллагааны сулрал илрэхэд шингэний зохицуулалт алдагдаж биед хавагналт үүсч эхэлдэг. Гол төлөв тавхай шагайн үе орчим болон нүүр зовхи хавагнаж эхэлдэг.
Шээсний өөрчлөлт
Бөөрний үйл ажиллагаа сулрахад шээсний гаралт багасна. Давсганд хий дүлэлт өгч голдуу шөнө шээлгэнэ. Өнгө нь өөрчлөгдөж тунадас хөвөх болно. Энэ нь шээсэнд цагаан эс, улаан бөөмийн тунадас байдаг.
Аманд төмөр амтагдана
Бөөрний ажиллагаа муудах үед бие махбодь хорт бодисоор дүүрч аманд төмөр амтагдах, амнаас муухай үнэр гарах, хоолны дуршил алдагдах, шээсээр хүнд металл ялгарч үнэр их байна.
Б.БАТ-ОРГИЛ ХҮНИЙ ИХ ЭМЧ