Сумын цолтнуудын барилдаан Бямба гарагт болно Монголын Үндэсний бөхийн холбооноос сар бүр зохион байгуулдаг сумын цолтон болон залуу бөхчүүдийн гуравдугаар сарын ээлжит барилдаан ирэх Бямба гарагт болно. Уран хурц барилдаанаар дүүрэн болдог тус барилдаанд өнөө цагийн шилдэг бөх Улсын арслан Э.Оюунболд, Улсын начин Э.Даш нарын бөхчүүд амжилттай барилдаж түрүүлж байсан юм. Та бүхэнд энэ улирлын барилдаанд амжилттай барилдаж түрүүлж үзүүрлэсэн бөхчүүдийг танилцуулья.
Есдүгээр сарын барилдаанд Завхан аймгийн Нөмрөг сумын харьяат сумын заан Т.Хайдавдорж түрүүлж, Баянхонгор аймгийн заан Э.Совджамц үзүүрлэсэн юм.
Аравдугаар сарын барилдаанд Увс аймгийн Давст сумын заан н.Сэр-Од түрүүлж Завхан аймгийн Яруу сумын харьяат аймгийн заан Мөнхтөрийн сумын заан Лхагвагэрэл үзүүрлэжээ.
Арваннэгдүгээр сарын барилдаанд Говь-Алтай аймгийн Дарви сумын заан Х.Дарамзагд түрүүлж, Завханы М.Лхагвагэрэл хоёрдох удаагаа үзүүр булаасан.
Арванхоёрдугаар сарын барилдаанд Өвөрхангай аймгийн Баянгол сумын заан Н.Даваадорж түрүүлж, Хэнтий аймгийн Батширээт сумын заан Г.Бадрах үзүүрлэсэн.
Нэгдүгээр сарын барилдаанд өмнөх сарын барилдааны үзүүр бөх Хэнтийн Г.Бадрах түрүүлж Говь-Алтайн Х.Дарамзагд үзүүрлэсэн юм.
Хоёрдугаар сард Хэнтий аймгийн Өмнөдэлгэр сумын заан Д.Алтанцоож түрүүлж, Өвөрхөнгай аймгийн заан Г.Цэнддорж үзүүрлэсэн байна.
О.ДАШНЯМ