МШТХ-ны төв "ОЧ" клубт эхэлсэн өсвөрийн ширээний теннисчидийн улсын аварга шалгаруулах тэмцээнд 21 аймаг, Дархан, Эрдэнэт хот Улаанбаатар хотын 9 дүүргийн 300 орчим теннисчид хүч чадал, ур чадвараараа өрсөлдөж байна.
"ОЧ" клубын дэд мастер Д.Эрдэнбаяр, Д.Мөнхзориг, Чулуудай нар хөвгүүдийн дээд насанд, дэд мастер Б.Должинзуу, Ундрам, Болор нарын охидын дунд гал гарсан тоглолт болно гэж теннисний хорхойтнууд хүлээж байна.
Бага насны ангилалд Дорноговь, Хөвсгөлийн өсвөрийн теннисчид нийслэлийн багачуудыг зовооно гэж шинжээчид дүгнэлээ. Тэмцээн 3 өдөр үргэлжилнэ.
Та бүхэн "ОЧ" клубт очин, өсвөрийн тамирчидаа дэмжих, тэдний тоглолтыг шимтэн үзэх боломжтой юм. Тэмцээнийг үзэхэд билет авах шаардлагагүй. Үнэ төлбөргүй үзэж болно гэж тэмцээнийг зохион байгуулагчид мэдэгдэв.
Эх сурвалж : Sportlife.mn