Тайландын Бангкок хотноо энэ сарын 17-23-ны өдрүүдэд зохиогдсон “Hockey challange cup of Asia” тэмцээнд оролцсон Монголын шигшээ баг мөнгөн медалийн болзол хангалаа.
Тус тэмцээнд Тайланд, Малайз, Арабын нэгдсэн Эмрат, Монгол, Сингапур зэрэг 5 орны баг өрсөлдсөн юм. Монголын баг эхний тоглолтоо Сингапурын багтай хийж 13:0-ээр “бут ниргэсэн” бол удаах тоглолтоо талбайн эзэн орон Тайландтай хийж 5:4-өөр буулгаж авсан.
Тэмцээний гурав дахь тоглолтоо Малайзын багтай хийж 10:5-аар хожиж аваргын төлөө Арабын нэгдсэн Эмратын багтай тоглох эрхтэй болсон юм.
Алтан медалын төлөөх хариуцлагатай тоглолтонд Монголын баг Эмратын багтай 4:4-өөр тэнцэж буллит цохиод 6:4-өөр хожигдсон байна. Тус тэмцээнээс манай баг тамирчид сүүлийн 4 жил дарааллан хүрэл медаль хүртээд байсан бол энэ жил амжилтаа ахиулж мөнгөн медалийн болзол хангалаа.
О.ДАШНЯМ