Нийслэлийн засаг дарга бөгөөд Улаанбаатар хотын захирагч М.Энхболдын нэрэмжит 2017 оны жүдо бөхийн өсвөр үеийн Улаанбаатар хотын аварга шалгаруулах тэмцээн “Спортын төв ордон”-ы “А” танхимд эхэллээ.
Энэ удаагийн тэмцээнд нийт 25 байгууллагын 683 тамирчин өрсөлдөж байгаа бөгөөд эрэгтэй 14, эмэгтэй 10 жинд аваргуудаа тодруулах юм. Тэмцээний жин тус бүрийн эхний найман байр эзэлсэн тамирчид дөрөвдүгээр сарын 24-25-нд Хөвсгөл аймгийн Мөрөн хотод зохиогдох өсвөр үеийн УАШТ-д оролцох эрх авна. Энэ удаагийн тэмцээнд олон улсын хэмжээнд амжилт үзүүлээд эхэлсэн өсвөр үеийн ДАШТ-ний мөнгөн медальт, Б.Ойдовчимэд, хүрэл медальт Б.Нармандах нарын шилдэг тамирчид оролцож байгаа юм.
О.ДАШНЯМ
