Заалны хөлбөмбөгийн 20 хүртэлх насны Азийн аварга шалгаруулах тэмцээн ирэх сарын 16-26-ны өдрүүдэд Тайланд улсад зохиогдох билээ. Азийн 21 улс өрсөлдөх тус тэмцээний сугалааны үйл ажиллагаа явагдаж Монголын шигшээ баг “D” хэсэгт Иран, Киргизстан, БНХАУ, Арабын Нэгдсэн Эмиратын багуудтай орлоо.
Манай шигшээтэй нэг хэсэгт орсон Арабын Нэгдсэн Эмират улс Азийн чансааг тэргүүлдэг бол Хятад тав, Иран наймдугаарт эрэмблэгддэг юм. Монголын шигшээ баг тэмцээний бэлтгэлээ Улаан-Үд хотод базааж “Бат супер лиг”-д оролцож зургаадугаар байр эзэлсэн юм. Манай 20 хүртэлх насны шигшээ баг байгуулагдснаас хойш оролцох анхны томоохон тэмцээн нь энэ болж байна. Өмнө нь 2014 онд насанд хүрэгчдийн шигшээ баг Азийн аваргын урьдчилсан шатны тэмцээн Монголд зохиогдоход амжилттай оролцож байсан билээ.
О.ДАШНЯМ
