Монголын сагсан бөмбөгийн холбооноос зохион байгуулж буй “NISSAN” дээд лигийн “Бүх одод”-ын тоглолт энэ сарын 22-нд “Буянт Ухаа” спорт цогцолборт зохиогдохоор боллоо. Энэ удаагийн “Бүх одод”-ын тоглолт МСБХ-ны 55 жилийн ойтой давхцаж буйгаараа онцлог юм.
Тэмцээний үеэр дээд лигид амжилтаараа тэргүүлж буй тамирчдын дунд халз тоглолт, 3 онооны шидэлтийн тэмцээн, цагираган дээрээс довтлох үзүүлбэр зэрэг сонирхолтой үйл ажиллагаа явагдана. “Бүх одод”-ын тоглолтод оролцох тамирчдыг шалгаруулахдаа статистик үзүүлэлт харахаас гадна олон нийтийн сүлжээнд санал асуулга явуулах талаар тэмцээнийг зохион байгуулагчид мэдэгдэж байна.
Эх сурвалж : Sportlife.mn
