Дэлхийн бөхийн холбоо (UWW)-ноос гуравдугаар сарын эрэгтэй, эмэгтэй шилдэг бөхчүүдийн чансааг шинэчлэн гаргалаа. Энэ сарын чансааг гаргахад “Яшир Догу”-ийн нэрэмжит олон улсын тэмцээн, “Буриадын Ерөнхийлөгчийн” нэрэмжит тэмцээн, 23 хүртэлх насны Европын аварга шалгаруулах тэмцээний үр дүнг харгалзаж гаргасан байна. Монгол улсын тамирчдаас эрэгтэй хоёр, эмэгтэй найм, нийт 10 тамирчин шилдэг хорьд багтсан байна.
Эрэгтэйчүүдийн 65 кг-ын жинд гавьяат тамирчин Г.Мандахнаран зургаад, 74 кг-д гавьяат тамирчин П.Өнөрбат 17, эмэгтэйчүүдийн 53 кг-д ОУХМ Э.Сумъяа 20, 55 кг-д гавьяат тамирчин Д.Отгонцэцэг гурав, ОУХМ А.Батцэцэг 18, 58 кг-д ОУХМ П.Орхон зургаад, 60 кг-д ОУХМ Б.Шоовдор 15, 63 кг-д гавьяат тамирчин С.Батцэцэг 11, 69 кг-д гавьяат тамирчин О.Насанбурмаа 10, ОУХМ Ш.Түмэнцэцэг 16, 75 кг-д спортын мастер Г.Уртнасан 18 дугаар байрт эрэмбэлэгдсэн байна.
Эх сурвалж : Sportlife.mn
