“Монголын Үндэсний бөхийн холбоо”-ноос 10 дахь жилдээ зохион байгууж буй “Сонгинохайрханы хишиг” барилдаан Ням гарагт явагдлаа. Тус барилдаанд 256 бөх зодоглодог байсан бол энэ барилдаанаас эхлэн чансаа өндөр 128 бөх барилдаж байхаар болсон юм.
Чансаа өндөр 128 хүчтэн зодоглосон энэ барилдаанд Увс аймгийн Тэс сумын харьяат Улсын харцага Т.Баасанхүү 7 даван түрүүлж, Архангай аймгийн Эрдэнэбулган сумын харьяат Улсын арслан Р.Пүрэвдагва үзүүрсэн юм. Барилдааны их шөвөгт Увс аймгийн Ховд сумын харьяат Улсын арслан Н.Батсуурь, Хэнтий аймгийн Өмнөдэлгэр сумын харьяат Улсын арслан Э.Оюунболд нар шалгарсан.
.JPG)
Барилдааны үеэр “Улсын цолд ойрхон бөх” шагналыг “Монос”группээс Баян-Өлгий аймгийн дэлүүн сумын харьяат аймгийн арслан Н.Мустафад гардуулсан.
Мөн “Өсөх ирээдүйтэй бөх”-ийн тусгай шагнал Хөвсгөл аймгийн харьяат аймгийн залуу арслан Б.Даваа-Очирт очсон юм. Тэрээр энэ өдөр аймгийн арслан Д.Тогтохжаргалаар 2, аймгийн заан Ч.Эрдэнэсайханаар 3 даваад Улсын арслан Н.Батсуурьт унасан юм.
Энэ өдрийн “Мэхний гайхамшиг” шагналын эзнээр Говь-Алтай аймгийн Бигэр сумын харьяат аймгийн харцага Ц.Эрхэмбаяр тодорсон. Ц.Эрхэмбаяр бөхийн барилдааны нэгийн даваанд Улсын начин Э.Дашийг, хоёрын даваанд Улсын харцага А.Цацабширыг өвдөг шороодуулсан.
О.ДАШНЯМ
ГЭРЭЛ ЗУРГИЙГ Б.БАТЗОРИГ
