Азийн аварга шалгаруулах 23 дахь тэмцээнд Монголын 9 удаагийн аварга Батхишиг оролцоогүй. Шигшээ багийг дан охидоос бүрдүүлж Хятадын Вуши мужийг зорьсон. Монголын эмэгтэй хэсэгтээ Сингапурын хүчирхэг багтай учраа таарсан. Хагас шигшээд Хятадын Тайваньд 3:2-оор хожигдож 5-8 байрны төлөө тэд үзэх болсон.
Тэгвэл Монголын шигшээ багийн охид Сингапурын багт 3:0 харьцаагаар хожигдсон ч , теннисний мэргэжилтний хүрээнд эерэг сэтгэгдэл үлдээсэн байна.
Тоглолтын харьцааг харвал: 11:3, 11:1, 11:7 харьцаагаар Ундрам маань алдарт Фенгэд, 11:7, 11:8, 11:5 харьцаагаар Болор-Эрдэнэ Вонг Ши Руд 11:7, 8:11, 11:7, 11:8 харьцаагаар Должинзуу Занг Ванлинд ялагдсан байна.
Ундрамын хувьд олимп, дэлхий, азийн аваргын медальтай алдарт Фэнгээс 7 оноо салгаж чадсан байна. Болор-Эрдэнэ ч өгөө аваатай тоглож, хожих ч боломжтой байсан гэдэг нь харагдана.
/Должинзуутай учраа таарсан Сингапурын теннисчин/
Харин Должинзуугийн хувьд 1 хожил салгасан, ер нь ч хожих бололцоотой гэдгээ харуулсан тоглолт үзүүлсэн байна. Тэдэнтэй хамт улсын 9 удаагийн аварга Батхишигийг оролцуулсан бол тоглолт эргэх ч хандлага байсныг үгүйсгэхгүй. Монголын эмэгтэй шигшээд ирээдүй байгааг өсвөрийн теннисчид үзүүллээ.
.JPG)
