Нүүр   /   Спорт

2017-04-12  

Европын хөлбөмбөгийн холбооны хамгийн нэр хүндтэй тэмцээн аваргуудын лигийн шилдэг найман багийн тулаан өнгөрсөн шөнө эхэллээ. Энэ өдөр Испаний “Барселона” Италийн Турин хотын баг “Ювентус”-ын талбайд зочилж 3:0-ээр хожигдол хүлээлээ.

Тоглолтын эхний гоолыг Аргентин довтлогч Дибала 7 дох минутанд оруулсан бол 22 дох минутанд дахин нэг гоол оруулж дубль хийсэн юм. Хоёрдугаар хагаст Италийн багаас хамгаалагч Челлени “Барселона”-ийн хаалганд гоолдож тоглолтыг өндөрлүүлсэн байна.

Ийнхүү шигшээ 16-нд “ПСЖ” багийн эсрэг “гайхамшиг бүтээж” 6:1-ээр хожиж шилдэг наймд шалгарсан Месси, Суарез нараар ахлуулсан Барселоначууд дахиад л хүнд даалгавартай гэртээ харьж байна. Тэд хийгүй нягт хамгаалалтаараа гайхагддаг Италийн “Ювентус”-ыг 4 гоолын илүүгээр хожиж аялалаа үргэлжлүүлж чадах болов уу. Хоёр багийн хариу тоглолт 14 хоногийн дараа “Барселона”-ийн талбай “Камп Ноу”-д болно.

Энэ шатны өөр нэг тоглолт Францын “Монака”, Германы “Бориусса Дортмунд” багуудын хооронд явагдах байсан ч “Бориусса Дортмунд”-ын тамирчдын сууж явсан автобус дэлбэрэлтэд өртөж хойшилсон юм. Дэлбэрэлтийн үеэр тамирчдын амь нас хохироогүй бөгөөд хамгаалагч Марк Бартра эмнэлэгт хүргэгэдсэн байна. Тоглолт өнөөдрийн 12:45 минутаас явагдана.

 

 

АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна

ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?

ТИЙМ

ҮГҮЙ

Санал өгөх