.JPG)
Монголын эрэгтэй тамирчид нэгбүрчилсэн төрөлд бүх учраадаа ялагдсан. Ганц нэг парти (хожил) авсан нь бий. Тэдний дундаас дэд мастер Чинзориг үзүүштэй тоглолт хийсэн байна. Тэр Энэтхэгийн 3-р ракеттай учраа таарсан. Энэтхэг бол Дэлхийн аваргын "А" зонд тоглодог хүчирхэг теннисчидтэй. Монголыг бодвол теннис өндөр хөгжсөн орон. Ийм орны өндөр зэрэглэлийн тамирчинг Монголын дэд мастер Чинзориг "унагах" шахсан байна. - Өндөр зэрэглэлийн өрсөлдөгчийг ялах бүрэн боломж Чинзоригт байсан. Тоглолтыг 2:0 харьцаагаар хошуучилж гараагаа гайхалтай эхэлсэн. Нэг л хожил нэмж авсан бол тоглолт дуусах байсан. Харамсалтай нь дараагийн 3 тоглолтонд ялагдсан. Техник, биеийн хүч, бөмбөгний хурд ижил байсан. Гагцхүү туршлага, тактик, сэтгэл зүйгээр дутсан. Гэхдээ бидэнд боломж бий нь харагдсан гэж МШТХ-ны ерөнхийлөгч Гантулга сэтгэгдлээсээ хуваалцлаа.
Чинзоригийн хувьд сүүлийн 4 улсын аварга дараалан улсын аварга Э.Лхагвасүрэнтэй шигшээ 8-д таарч ялагдаж байсан гэдгийг тенниснийхэн мэднэ. Энэ давааг гэтэлж чадсан бол улсын аварга ч болох бүрэн боломжтой теннисчин гэж түүнийг спортын хүрээнийхэн үнэлэх болсон. Маш хүчтэй бөмбөгтэй, тэсрэлттэй тоглодог теннисчин гэж нөхөд нь тодорхойлдог. Гантулга ерөнхийлөгчийн ярьсныг сонсоод - Жаахан л аз түшсэн болоосой гэж харуусахаас өөр зүйл бодогдсонгүй.
.JPG)
