Монголын улс төр, бизнес, банк санхүүгийн нэрт зүтгэлтэн Очирбатын Чулуунбатын нэрэмжит "MONGOLIA CUP-2017" ширээний теннисний олон улсын тэмцээнд Орос, Хятад, Польш, Тайван, Макао, Лаос, Киргиз зэрэг 10 гаруй орны тамирчид нэгбүрчилсэн, багийн төрөлд нийт 40 медалийн төлөө өрсөлдөж байна. Тэмцээн насанд хүрэгчид болон бага нас гэсэн хоёр ангиллаар явна гэж зохион байгуулагчид тодотгож байна. Одоогоор ХонгКонгийн баг хамгийн хүчтэйд тооцогдож байна. Хойд Солонгос мэдүүлгээ өгсөн ч улсынх нь баяр давхацсан тул ирж амжаагүй. Тайваний хүчтэй өрсөлдөгч баг Азийн аваргад оролцох эрхээ өвөртлөн, Өмнөд Солонгосыг зорьсон байна.
Уг тэмцээнийг Тв9 телевиз шууд дамжуулж байна. Мөн саяхан нээгдсэн SPORTLIFE.mn спортын мэдээллийн портал сайт сошиалаар дамжуулж байна. Тэмцээний ерөнхий шүүгчээр Олон улсын шүүгч Э.Мөнхбилэг, шууд нэвтрүүлгийн тайлбарлагчаар улсын 4 удаагийн аварга Э.Лхагвасүрэн ажиллаж байна.