Зүүн Азийн бүсийн аварга шалгаруулах “MONGOLIA CUP-2017” тэмцээн “Спортын төв ордон”-ы “А” зааланд гурван өдрийн турш явагдаж өндөрлөлөө. Тэмцээний сүүлийн өдөр багийн төрлийн аваргууд тодорч Монголын нэгдүгээр баг мөнгөн медалийн болзол хангасан юм.
Энэ төрөлд Хонконгийн тамирчид алтан медаль хүртсэн бол Өмнөд Солонгосын багийн тамирчид хүрэл медалийн болзол хангасан байна. Мөнгөн медаль хүртсэн Монголын багийн бүрэлдэхүүнд спортын дэд мастер Ч.Эрдэнэбаяр, спортын дэд мастер Т.Чинзориг, ОУХМ Ч.Батхишиг, спортын дэд мастер Р.Мөнхнаран нар багтаж тоглосон юм. Харин Монголын хоёрдугаар багийн хувьд хүрэл медалийн төлөөх тоглолтод Өмнөд Солонгосын багт ялагдал хүлээсэн.
О.ДАШНЯМ